Donald Trump mund të bisedojë me Putin dhe Xi për armatimet
Pas deklarimit të SHBA-së për daljen nga marrëveshja e rëndësishme për çarmatim bërthamor me Rusinë, nga Uashingtoni vjen sinjal pajtimi. Presidenti Donald Trump shkruan në twitter me kortezi, por mbetet i paqartë.
Mesazhi pason samitin e G20 në fundjavë në Buenos Aires, ku Trump dhe Xi sulmuan njeri-tjetrin në grindjen tregtare mes dy vendeve. Trump në mesazhin e tij shtoi: “SHBA sivjet kanë shpenzuar 716 miliardë Dollarë (për ushtrinë e tyre) – çmenduri!” Kjo shifër bazohet megjithatë në buxhetin e vitit 2019, që ka nisur në tetor.
Në tetor Trump deklaroi, se SHBA-ja do të dalë nga marrëveshja INF e vendosur më 1987 me Bashkimin Sovjetik. Një datë për daljen nuk është komunikuar ende.
Sfondi ka të bëjë me armatimin e ri rus të tipit SSC-8, që sipas vlerësimeve të amerikanëve përbën shkelje të marrëveshjes. Moska e hedh poshtë këtë vlerësim. Marrëveshja INF ndalon ndërtimin dhe posedimin e raketave me rreze të mesme veprimi, të cilat mund të pajisen në mënyrë bërthamore.
Ministrat e jashtëm të vendeve të NATO-s të martën (04.12) diskutojnë për pasojat e mundshme pas shkeljes sikurse mendohet të marrëveshjes nga Rusia.
Fraksion.com
