Apeli i Metës: T’i jepet fund skllavërisë moderne, njerëzit nuk mund të trajtohen si shifra

Në Ditën Botërore për Zhdukjen e Skllavërisë, Presidenti Ilir Meta apelon fort institucionet që të mendojnë për mbështetjen dhe rehabilitimin e viktimave të skllavërisë moderne, të cilët janë njerëz dhe nuk meritojnë të trajtohen si shifra nëpër raporte.

Meta ka apeluar fort që viktimat e skllavërisë moderne të trajtohen si njerëz, jo si shifra nëpër raportet e organizatave të ndryshme.

“Në Ditën Botërore për Zhdukjen e Skllavërisë apeloj fort për të menduar për mbështetjen dhe rehabilitimin e viktimave të skllavërisë moderne, të cilët janë njerëz dhe nuk meritojnë të trajtohen si shifra nëpër raporte. Fund plagës së skllavërisë moderne që shkatërron jetë, familje e shoqërinë dhe ushqen krimin e organizuar në kurriz të stabilitetit, sigurisë e sundimit të ligjit”, shkroi Meta në Facebook.

2 Dhjetori është përcaktuar si Dita Botërore për Zhdukjen e Skllavërisë, nga Asambleja e përgjithshme e Organizatës së Kombeve të Bashkuara dhe u festua për herë të parë në vitin 1986.

Fraksion.com