Itali, goditet banda që trafikonte droge me taksi; Mes të arrestuarve edhe shqiptarë
Mbi 200 kg drogë e transportuar me taksi e autobuzë nga Spanjë në Itali nga shtetas italianë, shqiptarë moldavë e ukrainas janë sekuestruar nga autoritetet italaine përgjatë hetimeve të një operacioni të nisur në prill të 2017.
Një megaoperacion antidrogë i koduar “Indoor” është ekzekutuar në orët e para të mëngjesit të sotëm me urdhër të Prokurorisë së Venecias dhe i shtrirë në 3 shtete: Itali, Spanjë e Austri.
Në pranga janë vënë 20 persona, anëtarë të një orgnanizate trafikantësh e përbërë nga shtetas italianë, shqiptarë, moldavë e ukrainas.
Hetimet e këtij operacioni janë kryer në periudhën kohore prill 2017- prill 2018 e kanë vërtetuar aktivitetin e strukturuar kriminal të kësaj organizate që importonte nga Spanja në Itali, sasi të mëdha marijuane e hashashi.
Brenda një viti ky grup kriminal ka importuar në Itali mbi 200 kg drogë e cila më pas shpërndahej në territorin e provincës së Venecias, Padovës, Trevizos e Vicencës.
Hetimet kanë vërtetuar gjithashtu se shpesh tregjet e shitjes së drogës ishin pozicionuar pranë strukturave shkollore për minorenë apo parqeve.
Investiguesit italianë kanë zbardhur mënyrën e trafikimit të drogës që kryhej duke u fshehur në vend bagazhin e autobuzëve që udhëtonin nga Spanja në Itali.
Brenda territorit italian për të evituar kontrollin e policisë, droga transportohej me taksi që lëvizinin në Padova, Venezia, Vincenza e Treviso.
Me urdhër të Prokurorisë së Venezias janë vënë në sekuestrim dhe pasuri të patundshme në pronësi të anëtarëve të këtij grupi kriminal e që kapërcenin vlerën e 1 milionë euro.
Fraksion.com
