Nxënësi qëllon me grusht mësuesin, shokët e nxjerrin jashtë. (VIDEO)

Një mësues i moshuar u godit nga një nxënës i pasjellshëm, pasi i tërhoqi kufjet nga veshët.

Por, më pas e gjithë klasa doli në mbrojtje të mësuesit.

E gjithë skena u xhirua në video dhe tregon profesorin i  cili përpiqet t’i tërheqë nxënësit vëmendjen.

‘Të thashë të hiqje kufjet nga veshët’,  urdhëroi mësuesi në qytetin Neryungri, një qytet në veri-lindje të Rusisë.

Por nxënësi e injoroi, duke bërë që mësuesi t’ia hiqte vetë kufjet nga veshët.

Me një reagim të dhunshëm, djali ngrihet nga karrigia për t’u përballur me mësuesin e moshuar.

Edhe pse kufjet nuk duken të prishura, nxënësi reagoi shumë furishëm.

‘Ti je një k…’  i bërtiti mësuesit disa herë në fytyrë, para se të shkonte drejt tij dhe ta godiste me grusht.

Por pjesa tjetër e klasës u sulën kundër shokut të tyre për të mbrojtur burrin dhe më pas e dënuan shokun e tyre për mungesën e respektit që tregoi.

Njëri prej tyre ulëriti në rusisht: “Ai duhet ta dijë që duhet të dalë urgjentisht jashtë nga këtu.”

Një grup nxënësish e nxorën djalin jashtë duke e shtyrë me forcë nga dera.

Sipas raportimeve, shkruan dailymail, mësuesi nuk bëri denoncim në polici.

Pasi video u bë virale në internet, gjithsesi, oficerët e policisë vendosën të hetonin, por nuk kanë lëshuar asnjë koment.