Ajola Xoxa i shkruan Kajan
Vetëm 2 javë më parë kryebashkiaku Erion Veliaj dhe bashkëshortja e tij Ajola Xoxa u bënë prindër për herë të parë.
Më 6 tetor Ajola solli në jetë një djalë që u pagëzua me emër tironc, Kajan. Vogëlushi duket se ka ardhur si një bekim për çiftin.
Ajola ka bërë një dedikim emocionues për Kajan në një postim në Instagram.
Ajo publikoi një foto të saj shtatzënë ,12 orë para se të lindte Kajan dhe shkruan se tashmë se i biri ia ka rrëmbyer tërësisht zemrën.
“Kjo fotografi është marrë 12 orë përpara se ti të vije në jetë Kajan, e të na e mbushje jetën plot me dritën e bardhë të rrezes së parë të agimit. Mami uron që ti të rritesh i shëndetshëm, të bëhesh një njeri i mencur, i mirë dhe i drejtë, të të udhëheqi në jetë gjithnjë dashuria dhe asnjëherë inati; të bëhesh kurajoz si babi Eri, ta kesh zemrën plot mirësi si nëna Valbona dhe plot dedikim si nëna Shqipja, t’i duash librat si gjyshi Beni, të kesh buzëqeshjen gjithë dritë si gjyshi Luani që të mbron nga qielli, zemrën të paqtë si stërgjysja Gano, dhe të jesh cool si xhaxhi Arbi. Nga mami tashmë t’i e ke marrë të gjithë zemrën dhe zemra ime qëndron e gjitha aty brenda zemrës tënde të vogël, përgjithmonë,”-shkruan Ajola.
