Shtabi i NATO-s: Filluan me Shkupin bisedimet formale të pranimit
Ish Republika Jugosllave e Maqedonisë shënoi një hap të rëndësishëm në rrugën e saj drejt anëtarësimit në NATO-s të enjten (18 tetor 2018), duke filluar dy ditë bisedimesh formale të pranimit në selinë e NATO-s në Bruksel.
Bisedimet formale të pranimit mbulojnë aspekte të detajuara të anëtarësimit, duke përfshirë çështje politike, ushtarake dhe ligjore. Bisedimet kryesohen nga Ndihmës Sekretari i Përgjithshëm i NATO-s për Çështjet Politike dhe Politikën e Sigurisë, Alejandro Alvargonzález, i cili përshëndeti zëvendëskryeministrin dhe ministrin e mbrojtjes Radmila Šekerinska-Jankovska dhe delegacionin nga Shkupi në selinë e NATO-s. Zëvendës Sekretari i Përgjithshëm Rose Gottemoeller gjithashtu u takua me ministrin Šekerinska-Jankovska për të diskutuar procesin e tanishëm të pranimit.
Puna në procesin e pranimit filloi në korrik, pas ftesës nga aleatët në Samitin e Brukselit. Në takimin e fundit të Ministrave të Mbrojtjes të NATO-s, Sekretari i Përgjithshëm i NATO-s Jens Stoltenberg theksoi se “sapo të përfundojnë të gjitha ndryshimet kushtetuese në emër të ri, ne mund të nënshkruajmë protokollin e pranimit”. Ai theksoi se kjo është një “mundësi historike” “Të gjithë liderët dhe partitë politike të punojnë së bashku në mënyrë konstruktive dhe të përgjegjshme për ta shfrytëzuar këtë mundësi”.
Maqedonia ka punuar ngushtë me NATO-n, duke u anëtarësuar në Partneritetin për Paqe (PfP) në vitin 1995 dhe Planin e Veprimit për Anëtarësim (MAP) në 1999. Për shumë vite, vendi ka ofruar mbështetje të vlefshme për operacionet dhe misionet e udhëhequra nga NATO në Afganistan dhe Kosovë .
Fraksion.com
