Ndahet nga jeta Paul Allen, bashkëthemelues i Microsoftit

Vdiq në moshën 65 vjeçare bashkëthemeluesi i Microsoft-it Paul Allen.

Ai dhe miku i tij Bill Gates themeluan kompaninë teknologjike më shumë se 40 vite më parë. Allen vdiq nga kanceri i gjendrave limfatike, sëmundje prej së cilës vuante prej rreth një dekade.

Bill Gates u shpreh tejet i dëshpëruar nga vdekja e një prej miqve të tij më të vjetër dhe më të dashur siç e konsideroi ai Paul Allen-in.

Një pjesë të madhe të parave që fitonte Paul Allen i përdorte për filantropi. Ai ishte një miliarder që kishte në pronësi Ligën Kombëtare të Futbollit të Siatëllit Seahawks si dhe ekipin profesionist të basketbollit NBA të Portlendit Trail Blazers.

Fraksion.com