Rama: Nga videoja 3D në realitetin e transformuar; Nga rrënojat në një Park Olimpik europian

Një kompleks i jashtëzakonshëm sportiv dhe kulturor me standarde europiane, Parku Olimpik në Korçë,dëshmon një tjetër transformim rrënjësor të realizuar së fundi.

Kryeministri Edi Rama sjell pamje të këtij transformimi, nga rrënojat mbi një fushë mbeturinash ndërtimin e një Parku Olimpik europian.

Parku Olimpik është fryt i një konceptimi modern, që bashkon në një hapësirë, kompleksin sportiv dhe Muzeun e Fëmijëve, një investim mbi 9 miliardë lekë.

Projekti i ri shfrytëzon strukturën ekzistuese në formë harku, të braktisur prej kohësh, e cila është e ndarë në dy pjesë, duke strehuar brenda saj Pallatin e Sportit dhe Qytetin e Fëmijëve.

Punimet për ndërtimin e Parkut u shtrinë përgjatë 2 viteve, tetor 2016-shtator2017.

Ndërtimi i Parkut shoqërohet edhe me rikualifikimin urban të zonës përreth tij, një hapësirë prej 150 mijë metra 2, e lënë deri para këtij projekti djerrë.

Tetë fusha sportive, futbolli, basketbolli, volejbolli, pista e vrapimit dhe perspektiva e ndërtimit të fushave të tjera, infrastrukturë e re përgjatë gjithë perimetrit të Parkut e shndërrojnë atë në një prej komplekseve më të mëdha sportive, jo vetëm në vend.

Postimi i Kryeministrit Rama në Facebook: