Greqia asgjëson 5 ton domate me pesticide nga Shqipëria; Po Shqipëria sa konsumon?

Sekuestrohen 4.600 kg domate në dy kontrolle të mëngjesit të sotëm në kompani të njohura greke, në mjaft njësi shitëse në Athinë.

Agjencia për kontrollin cilësor, higjienik dhe të kimikateve në fruta-perimet e Pireut, ka konstatuar se në dy ngarkesa domatesh të ardhura nga Shqipëria dhe Italia, niveli i pesticideve ishte shumë herë më i lartë se i lejueshmi.

Menjëherë rreth 5 ton domate janë tërhequr nga tregu dhe janë shkatërruar për të mos rrezikuar shëndetin e konsumatorëve. Gjatë kontrollit u vu re se kompania përkatëse me shumë njësi shitjeje në Athinë ka shpërndarë në treg domate me kimikate të tilla, duke deklaruar se vijon kontrolli gjatë gjithë kësaj periudhe.

Natyrshëm lind pyetja, po tek ne çfarë do të ndodhte me këto domate, apo ato janë aktualisht në treg dhe konsumatori shqiptar vazhdon t’i konsumojë pa e mbrojtur askush?

Fraksion.com