Rozana Radi: Nuk jam fejuar, bashkëjetoj prej 5 vitesh

Verën që sapo lamë pas, e pamë të mbushur me lajme për personazhe të njohur të showbiz-it shqiptar. Një nga personazhet e komentuar ishte edhe këngëtarja e aktorja e njohur, Rozana Radi.

Mjaft media të shkruara raportuan se Radi është fejuar dhe ka pranuar unazën e dhuruar nga partneri i saj. E gjitha kjo, sipas portaleve ndodhi gjatë pushimeve të saj në Kapri.

E pyetur në intervistën e saj të parë në “Pop Culture” nga Andi, Rozana ka mohuar kategorikisht këto lajme.

“Unë nuk jam e fejuar. Ja më shikoni gjë unazë? Unë bashkëjetoj prej 5 vitesh tashmë me dikë dhe nuk pres fejesë, por martesë”, rrëfeu Rozi për “Pop Culture”.