Nis sonte “Open” me Eni Vasilin, i ftuari i parë, Edi Rama
Sot nis transmetimit në Top Channel emisioni i debatit politik i titulluar “Open”. Studio politike e Top Channel do të drejtohet këtë sezon nga gazetarja e njohur Eni Vasili.
Tashmë gjithçka është gati për një sezon të gjatë politik, ndërsa zgjedhjet vendore në qershor e kanë rritur që tani temperaturën politike.
Kryeministri Rama do t’i përgjigjet sot pyetjeve të gazetares Eni Vasili, pyetje të cilat janë edhe të shikuesve të Top Channel.
Çfarë po ndodh me vettingun e drejtësisë? Çfarë do ndodhë me vettingun që kërkon opozita? Cili është qëndrimi i qeverisë shqiptare dhe kryeministrit për Kosovën dhe temën e nxehtë të korrigjimit të kufirit. Si po ecën ekonomia dhe cilat janë projektet e qeverisë? Po lufta kundër krimit të organizuar, kërkesë e Bashkimit Europian?
Për t’u dhënë përgjigje këtyre pyetjeve, por edhe të tjera, Edi Rama, sonte në “Open”, në emisionin e drejtuar nga Eni Vasili.
Fraksion.com
