“Fytyra e re e Europës”
Revista e përjavshme Amerikane “Time” i ka dedikuar kopertinën e numrit që do të dalë më 24 shtator Matteo Salvinit.
“Po punojmë për të rekuperuar shpirtin Europian që është tradhtuar nga ata që e drejtojnë këtë bashkësi”, tha Salvini.
Kjo është deklarata e lëshuar nga Mateo Salvini në një intervistë të dhënë për revisten Amerikane “Time”, e cila i ka dedikuar kopertinën.
“Është e qartë që duhet të ndryshojnë dinamikat europiane”.
Përsa i përket emigrimit, Salvini nënvizon se “historia do të na besojë rolin e shpëtimtarit të vlerave Europiane”, duke cituar “rrënjet hebreo-kristiane, të drejtën për të punuar, të drejtën për jetën”. Dhe përsa i përket lidhjes kundërthënëse mes emigracionit dhe kriminalitetit, Salvini i bie shkurt:
“Nëse arrijmë të reduktojmë numrin e krimeve dhe praninë e emigrantëve të paligjshëm, nuk e kam problem të më quajnë racist”, u shpreh ministri italian.
Duke folur për raportet me Moskën, Salvini tenton të synojë “në një partneritet pozitiv mes Rusisë dhe Europës”, duke i cilësuar qesharake akuzat që i bëhen Rusisë, në lidhje me ndërhyrjet e saj në zgjedhjet Amerikane dhe në ato Europiane./TCH
Fraksion.com
