Mali i Zi, Tuzi bëhet komunë e plotë
Tuzi dhe zona e Malësisë, me shumicë shqiptare, duke filluar nga e shtuna do të jetë komunë e plotë në bazë të ligjit për organizimi territorial të Malit të Zi. Deri tani Tuzi funksiononte si Komunë Urbane nën mbikëqyrjen e Podgoricës.
Prej 27 vitesh shqiptarët e Tuzit kërkonin shpalljen komunë, ndaj, për atë që do të jetë një ditë historike, aktivitetet në Tuz kanë nisur që të premten.
Politikanët shqiptarë pa dallim partiak janë bashkuar dhe dolën së bashku në një konferencë.
Genc Nimanbegu, nënkryetar i Parlamentit të Malit të Zi, tha: “Kjo konferencë është dëshmi e vendosmërisë sonë që kërkesat tona politike t’i jetësojmë”.
Vitin e kaluar, Parlamenti i Malit të Zi miratoi Ligjin për Organizimin Territorial, me të cilin Tuzi bëhet komunë e pavarur me të drejta të plota vetëqeverisëse.
Fraksion.com
