Ndarja nga jeta e senatorit të SHBA, Basha: Kombi shqiptar humbi një mik të madh
Kreu i Partisë Demokratike, Lulzim Basha ka shprehur ngushëllimet e tij për ndarjen nga jeta të senatorit amerikan, John McCain
Ashtu si Meta dhe Rama, edhe Basha e ka cilësuar senatorin që u nda nga jeta në moshën 81-vjeçare si një mik të shqiptarëve e luftëtar për kauzën e lirisë.
“Me ndarjen nga kjo jetë të Senatorit John McCain, kombi shqiptar humbi një mik të madh. Luftëtar i pamposhtur për kauzën e lirisë, Senatori McCain ishte një zë i fuqishëm në krah të betejave të shqiptarëve për liri, demokraci dhe integrim euro-atlantik. Mirënjohje e përjetshme për këtë hero dhe ngushëllimet më të ndjera familjes së tij dhe popullit mik amerikan. U prehtë në paqen e Zotit!”, shkruan Basha në Facebook.
Fraksion.com
