Merkeli frenon shpresën për anëtarësim të afërt të Gjeorgjisë në BE
Një akt ekuilibri për kancelaren: një ish-Republike sovjetike t’i ruash perspektivën evropiane dhe njëkohësisht të mos zemërosh Moskën. Këtë ajo e tregoi në vizitën në Tiflis.
Kancelarja Merkel dhe kryeministri i Gjeorgjisë Bahtadse
Më parë shtetet e Ballkanit Perëndimor
Tani në radhë të parë ka rëndësi që të nisin negociatat e anëtarësimit me shtetet e Ballkanit Perëndimor dhe që të zhvillohen ato. Gjeorgjia bën pjesë në “unazën tjetër”, tha Merkeli. Në dhjetë vitet e ardhshme rëndësi parësore do të ketë që të mbushet me jetë marrëveshja e Tregtisë së Lirë dhe marrëveshja e Asociimit. Në “fazën e ndërmjetme” duhet parë se sa ngushtë mund të bashkëpunohet, “pa folur gjithmonë menjëherë për një anëtarësi formale”.
Të enjten, kryeministri i Gjeorgjisë, Mamuka Bahtadse pati theksuar synimin e vendit të tij për t’u bërë anëtar i BE dhe i NATO-s. Si në rastin e ish-republikave të tjera sovjetike, Rusia ka rezerva për këtë. Në vitin 2008 Rusia ndërhyri ushtarakisht dhe imponoi ndarjen nga Gjeorgjia të Osetisë Jugore dhe të Abkazisë. Për të premten, Kremlini kishte njoftuar mbajtjen e një takimi të Presidentit të Rusisë, Vladimir Putin me presidentët e rajoneve të pabindura Abkazi dhe Oseti Jugore. Si tema të vizitës së punës në Moskë u njoftuan ndër të tjera bashkëpunimi ekonomik dhe zhvillimi i rajoneve./DW
Fraksion.com
