Kryeministria: E vërteta e videos së Berishës për Linda Ramën dhe mediat që nuk bëjnë asnjë verifikim

Kryeministria ka reaguar pas një video të publikuar nga Sali Berisha dhe të botuara në shumë portale, sipas të cilit, gruaja e kryeministrit Edi Rama, Linda, udhëton me charter.

“Sot ish-kryeministri Sali Berisha ka publikuar një lajm të rremë shoqëruar me një video, mbi gjoja një fluturim me charter të zonjës Linda Rama.

Problemi nuk është tek zoti Sali që ka bërë atë që gjithnjë ka bërë më shumë se çdo shqiptar, pra ka shpifur!

Problemi është se një sërë portalesh, e kanë marrë si zakonisht “derr në thes” videoshpifjen e zotit Sali dhe e kanë publikuar pa bërë asnjë verifikim paraprak.

Kjo praktikë copy-paste që i ka kthyer lajmet e rreme në një epidemi digjitale bie ndesh me çdo liri e të drejtë informimi dhe nuk i shërben as interesit publik e as misionit të medias së lirë”, thuhet në reagimin e Kryeministrisë.

Fraksion.com