Trumpi nënshkroi buxhetin rekord të mbrojtjes
Me 716 milionë dollarë duhet të blihen në SHBA tanke të reja, avionë dhe anije luftarake. Por parashikohet edhe rritja e numrit të ushtarëve dhe financimi i një lloj armate për gjithësinë.
Ndalimi i eksportit të avionëve tek partnerët e NATO-s
Ligji për Pentagonin parashikon edhe disa ndryshime interesante, ndër to edhe ndalimin e eksportimit të avionëve F-35 në Turqi. Ndalimi i eksportit të avionëve për partnerët në NATO është pasojë e shkallëzimit të konfliktit të SHBA me Turqinë, për shkak të ndalimit në këtë vend të priftit amerikan Andrew Brunson. Masa ndëshkuese do të mbetet në fuqi deri në vendimin e Ankarasë që të mos furnizohet me teknologji ruse. Ligji parashikon edhe kufizime të tjera të bashkëpunimit ushtarak me Rusinë.
Trumpi i ka mbrojtur njëkohësisht edhe planet e tij për krijimin e një armate për gjithësinë. “Sikur qielli, Toka dhe deti, edhe gjithësia është shndërruar në fushëbetejë”. Trumpi do që kjo armatë të jetë pjesë e ushtrisë amerikane. Forcat ushtarake për gjithësinë do ta forcojnë dominimin e SHBA ndaj konkurrentëve, tha Trump. Sipas tij, konkurrenca ka filluar ta “armatosë gjithësinë”. Trumpi ka paralajmëruar në veçanti nga Kina. Rusia po ashtu ka trupat e saj për gjithësinë, tha Trump.
Buxheti i Obamës edhe më i lartë
Zyrtarisht SHBA parashikon të ndajë 716 miliardë dollarë (627 miliardë euro) për buxhetin e mbrojtjes, që është një vlerë rekorde. Por Qendra për studime strategjike ndërkombëtare në Uashington ka llogaritur se tri buxhetet e para në kohën e Barack Obamës kanë qenë më të larta se ato të Trumpit.
Fraksion.com
