Dy të plagosur nga goditja me makinë para parlamentit britanik

Të paktën dy persona u plagosën të martën kur një makinë u përplas në mburojat e sigurisë para ndërtesës së parlamentit britanik në Londër.

Policia arrestoi shoferin e makinës nën dyshimet për “terrorizëm” dhe po e trajton ngjarjen si incident terrorist.

Incidenti ndodhi rreth orës 8 e 30 sipas kohës së Evropës qendrore.

Stacioni i metrosë, Westminster, është mbyllur dhe zona përreth parlamentit që ndodhet me pushime, është bllokuar nga forcat e policisë.

Të plagosurit, sipas autoriteteve, kanë pësuar plagë që nuk rrezikojnë jetët e tyre.

Kryeministrja britanike, Theresa May, e cila ndodhet me pushime tha se mendja i rri tek të plagosurit në këtë incident dhe vlerësoi reagimin e shërbimeve të emergjencës.

Britania është në shkallë të lartë gatishmërie për shkak të drojës nga sulmet e militantëve.

Fraksion.com