Masakra në Selenicë, Gjykata lë në burg Ritvan Zykajn
Nën masa të forta sigurie ka mbërritur në gjykatën e Vlorës Ritvan Zykaj, autori i masakarës me 8 viktima, anëtarë të fisit të tij, mes tyre dy të mitur, në fshatin Resulaj të Selenicës, mes tyre dy të mitur. Arrest me burg ka qenë masa e kërkuar nga prokurori i çështjes Saimir Smaka dhe i vendosur nga gjykatësja Esmerilda Habilaj.
Ritvan Zykaj akuzohet për vrasje në rrethana cilësuese të dy ose më shumë personave, si edhe për armëmbajtje pa leje.
Hetimet e fundit kanë zbuluar se Ritvan Zykaj e kishte paralajmëruar krimin e rëndë në fshatin Resulaj të Vlorës. Nga dëshmitë e dhëna në prokurori, rezulton se 24-vjeçari shpesh ju kishte thënë të afërmve “ do ju bëj hatanë, ndaj mos më bini në qafë”, por askush nuk e kishte marrë seriozisht.
Gjatë mbërritjes së 24 vjeçarit në gjykatë pjesëtarë të familjes Hoxhallari , një tjetër krim i rëndë i ndodhur në Vlorë, ku nusja vrau bashkëshortin e vjehrrën, kanë kërkuar dënim me vdekje për kriminelët, teksa mbajnë në duar foto të Zykajt dhe Hysnie Hoxhallarit e Kasëm Pirjasi, këta të fundit akuzohen për vrasjen e Salkie dhe Olsi Hoxhallari, nënë e bir.
Fraksion.com
