Të shtëna me armë në Britani, 10 persona me plagë në spital

Policia britanike njoftoi se dhjetë persona përfunduan në spital në Mançester, gjatë orëve të para të ditës së sotme.

Në orën 2:30 pas mesnate, policia u njoftua për të shtëna me armë në rrugën Claremont, në lagjen Moss Side të qytetit Mançester.

Policia nuk bëri të ditur moshën e viktimave që po trajtohen në spital për një sërë plagësh të vogla dhe të mëdha. Një ditë më parë, qyteti shijoi një atmosferë pozitive me organizimin e Karnavalit të Karaibeve.

Lagja Moss Side është një ndër zonat më të varfëra në Britani, ku deri në mesin e viteve 2000 pati një nivel të lartë përplasjesh me armë mes bandave.

Fraksion.com