Rama nxjerr video nga Festa e Bostanit: Divjaka, prodhime dhe rilindje turistike

Kryeministri Edi Rama e ka nisur ditën e sotme ndryshe nga ditët e tjera; me një festë.

Ndërsa ka publikuar një video nga festa e Bostanit në Divjakë, në profilin e tij në rrjetin social Facebook, Kryeministri thotë  se turizmi dhe prodhimet bujqësore rrisin eksportet.

“MIRËMËNGJES 😃

dhe me këto pamje nga Festa e Bostanit në Divjakën e rilindur turistike dhe të prodhimeve fantastike bujqësore që rrisin eksportet çdo vit e më shumë, ju uroj një ditë të mbarë 🌹. #smilealbania.”,  shkruan Rama në Facebook.

“Festa e Bostanit” në Divjakë ka mbledhur mijëra pushues në sheshin kryesor të Parkut Kombëtar të Karavastasë. I pranishëm në këtë aktivitet ishte dhe ministri i Turizmit Blendi Klosi i cili vlerësoi punën e prodhuesve të zonës.

Fermerët ekspozuan për pushuesit, varietetet e ndryshme të bostanit, gatime me bazë shalqiri dhe pjepri, si, lloje të ndryshme sallatash, tortat me bostan, gliko të ndryshme dhe ëmbëlsira të tjera me këtë bazë.

Fraksion.com