Rrëfimi prekës i David Silvas: Nuk dija se çfarë ndodh me djalin… ditët më të vështira të jetës sime

Mesfushori spanjoll David Silva, lojtari i Manchester City-t dhe kombëtares spanjolle është një prej sportistëve që gëzon respekt nga të gjithë tifozët.

Së fundmi Silva është vënë përballë një problemi të madh, duke qenë se fëmija i tij i lindur parakohe, ka qëndruar për 5 muaj në spital duke luftuar me vdekjen.

Në një rrëfim për “The Sun”, Silva është shprehur se ato muaj, kanë qenë muajt më të vështirë të jetës së tij.

“Isha i frikësuar për vdekje pasi ishte një kohë shumë e vështirë. Mund të them se ishin muajt më të komplikuar të jetës sime.

Erdha në Spanjë dhe bisedova me mjekët, por ata kishin përgjigje të ndryshme. Nuk dinim asgjë se çfarë do të ndodhte deri nesër me fëmijën dhe në këto kushte, nuk mund të jesh kurrë i përqendruar.

Kthehesha në dhomën e zhveshjes dhe shikoja telefonin duke menduar se çfarë po ndodhte, pse po ndodhte. Kam një tatuazh në dorë ku shkruhet “Never Give Up” (Kurrë mos u dorëzo) të cilin e shihja gjithmonë dhe më dukej sikur më jepte forcë, megjithëse vazhdoja të isha i mërzitur.

Falë Zotit, tani ka kaluar çdo gjë por unë sërish e mbaj një sy drejt familjes”,- tregon ai.

Fraksion.com