Italia i del kundër misionit të BE-së për refugjatët
Në debatin për migrimin, Italia po merr kurs kundër BE. Ajo po i vë pikëpyetje edhe misionit humanitar ushtarak të BE-së para Libisë. Shtrohet pyetja, nëse do të shpëtohen në të ardhmen njerëz nga anijet europiane?
Zëdhënësja e Federica Mogherinit, të ngarkuarës së BE për politikën e Jashtme, u shpreh se po kërkohet një zgjidhje brenda verifikimit të planifikuar të këtij misioni. Pritet një zgjidhje brenda pesë javësh.
Anijet e BE kanë shpëtuar 49.000 vetë
Italia e sheh si problematike tanimë edhe ndihmën e një anijeje të marinës gjermane, pjesë e misionit të BE. Qeveria e Romës në vitin 2015, ra dakord që të pranojë në kuadër të misionit të BE-së në portet italiane migrantët e shpëtuar në Mesdhe. Atëherë nuk mendohej se misioni i planifikuar si luftë kundër kriminalitetit të trafikantëve do të shpëtonte kaq shumë vetë në Mesdhe. Deri tani janë shpëtuar nga këto anije më shumë se 49.000 vetë.
Nuk dihet nëse do të gjendet shpejt një zgjidhje në këtë debat. Kryeministri italian, Giuseppe Conte i dërgoi një letër presidentit të Komisionit Europian, Jean-Claude Juncker, ku kërkon revizionin e misionit „Sophia”. Ndërsa ministri i Brendshëm, Matteo Salvini, kreu i Lega Nord, kërkoi në fillim të korrikut që të mos lejohet më automatikisht ankorimi i anijeve të misionit të BE në portet italiane.
Fraksion.com
