Grande Nation kundër Kroacisë!
Finale! Kush e mendonte, dy kombe të pabarabarta, me yje futbolli që i kanë ngritur peshë zemrat e sportdashësve të tyre. Franca kërkon të përsërisë triumfin e para 20 viteve. Kroacia kërkon kupën për herë të parë.
Trajneri Deschamps feston mes Umtiti kalimin në finale
22 luftëtarë
Por edhe Kroacia ka ambicie të mëdha: “Një finale luhet për të fituar. Ne do të jemi 22 luftëtarë”, thotë lojtari kroat, Lukas Modric.
Kroacia ka një ndeshje revanshi me Francën. Kujtojmë, se në vitin 1998 ekipi trikolore i dha fund ëndrrës kroate në gjysmëfinale në vitin 1998 përmes fitores së Francës edhe në Botëror atë vit. 20 vite e shtatë ditë më vonë kroatët duan të shkatërrojnë ëndrrën e francezëve për Botërorin e të dalin vetë në krye. Trajneri Zlatko Dalic thotë se “ndoshta prandaj na e jep zoti këtë mundësi që ta vëmë në vend këtë rezultat.”
Francë- Kroaci: Nuk është finalja që e kishin përcaktuar shumë vetë, edhe pse Franca bënte pjesë tek pretendetët për titull. Kombet e mëdha të futbollit ranë keq këtë kampionat. Gjermania, kampionja e fundit e botës doli jashtë çerekfinales, Portugalia po ashtu si Argjentina dështoi. Brazili dështoi në çerekfinale. Anglia e rilindur në futboll doli jashtë loje në gjysmëfinale, Belgjika humbi kundër Francës.
Kroacia gëzon pas fitores kundër Anglisë
Deschamps dhe Dalic
Një element të përbashkët e kanë këta finalistë: Ata kanë shumë yje futbolli si Griezmann, Pogba, Kylian Mbappé nga pala franceze dhe Modric, Mario Mandzukic, Ivan Perisic nga pala kroate. Ndërsa trajnerët janë shumë të ndryshëm. Didier Deschamps, 49 vjeçar, ka qenë në vitin 1998 lojtari kapiten i skuadrës franceze kur fitoi Botërorin, kampion europian në vitin 2000, dy herë lojtar fitues i Champions League. Ndërsa Dalic ka qenë deri në këtë kampionat një trajner i panjohur, por edhe si lojtar. Kampionatin Botëror 1998 ai e përjetoi si tifoz pjesërisht në stadium. Ai e kujton ende shijen e hidhur të humbjes. “Kjo është një mundësi unike që të luajmë në një finale në Botëror. Do të ishim pas Uruguajit, vendi më i vogël që ka arritur të bëhet kampion bote. Le ta vazhdojmë këtë mrekulli sa të mundemi.”
Presidentja kroate Kolinda Grabar-Kitarovic është po ashtu gjithë emocione: “Nuk e di se si do pres deri të dielën”, citohet ajo nga gazeta bulevardeske kroate «24sata». Edhe presidenti francez, Emmanuel Macron vjen në Moskë. Pas vitesh të rënda, me sulme terrori, ekipi francez kërkon të arrijë një festë perfekte në Champs-Elysées. E kështu të përmbushë edhe porosinë e Macron që tha para kampionatit. “Një ndeshje është e arrirë kur fitohet. Le të ëndërrojmë.”
Fraksion.com
