Balla-opozitës: Teatri do bëhet; Ju nuk keni axhendë

Kryetari i grupit parlamentar të PS, Taulant Balla tha se teatri do të bëhet,

Ai tha se opozita proteston për çdo gjë të re që bëhet në Tiranë.

Në fjalën e tij në Parlament, Balla tha se opozita nuk ka një axhende, pasi në një vit nuk ka sjellë asnjë projektligj në parlament.

“Ndërtimi i Teatrit të ri është një lajm i mirë. Këtë e di edhe Luli dhe Saliu, e di edhe deputeti më vulë humbur i partisë së Lulit. Problemi i Lulit dhe Saliut është se ata e shohin çdo lajm të mirë për shqiptarët si lajm të keq për opozitën.

Sikurse një javë më parë patë lajmin e mirë për negociatat. Sot po protestoni prap. Por për çfarë protestoni?! Përgjigjja është e shkurtër, protestoni se nuk keni cfarë të bëni gjë tjetër. Ju nuk keni axhendë, nuk keni ekip, nuk keni program dhe le të më thotë njëri një projektligj që ka sjellë opozita. Se për të protestuar keni protestuar për gjithcka dhe kundër gjithckaje “, tha Balla.

Fraksion.com