Eksploziv pranë banesës së policit të burgjeve

Një sasi eksplozivi i është vendosur pranë banesës së punonjësit të policisë së burgjeve në Fushë-Krujë.

Raportohet se lënda plasëse nuk ka shpërthyer dhe ngjarja ka ndodhur në fshatin Bubq, gjatë orëve të vona të natës.

Në vendngjarje kanë shkuar forcat e policisë, të cilat kanë nisur hetimet për të identifikuar dhe arrestuar autorët/in e vendosjes së tritolit.

Po punohet gjithashtu për të mësuar nëse polici i burgjeve ka konflikte me persona të tjerë.

Njoftimi i Policisë:

Krujë

Më datë 01.07.2018, në fshatin Bubq, Krujë, në banesën e shtetasit I. D. 52 vjeç, punonjës policie është konstatuar një sasi lënde plasëse eksploziv, e cila nuk ka shpërthyer.

Nga hetimet rezulton se kjo sasi është vendosur gjatë natës të datës 29.06.2018.

Po punohet për identifikimin dhe kapjen e autorit.

Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Shkatërrimi i pronës me eksploziv” i mbetur në tentativë dhe ” Prodhimi dhe mbajtja pa leje e armëve luftarake dhe e municionit” parashikuar në nenet 152, 22dhe 278/2 të Kodit Penal.

Fraksion.com