‘Diktatori’ Zuckerberg nuk i përgjigjet aksionerëve

Gjashtë investitorët mendojnë se rolet e dyfishta të Zuckerbergut si shef ekzekutiv dhe drejtor i bordit, plus kontrollin pothuajse të plotë të të drejtave të votës, do të thotë se ai mund të largojë kundërshtarët që kërkojnë ndryshime.

Rebelët po kërkojnë që miliarderi të heqë dorë nga roli i tij si kryetar i bordit për të lejuar një ekzekutiv të pavarur. Ata gjithashtu duan një ndryshim në mënyrën se si shpërndahen të drejtat e votimit midis aksionarëve për të zvogëluar fuqinë e tij.

“Zuckerberg duke përmbushur të dy rolet do të thotë se ai nuk është përgjegjës ndaj askujt”, tha për Business Insider, shefi i Thesarit të shtetit të Illinoisit, Michael Frerichs, përcjell Telegrafi.

“Ideja që duhet të ketë një autokrat në krye të një kompanie gjigande publike, e cila ka miliarda dollarë të parave të aksionarëve të investuar në të është një anakronizëm. Ajo fillon në shekullin e XIX-të, kur kemi pasur barona grabitës të cilët ishin autokratë dhe diktatorë”, tha Patrick Doherty, drejtor i qeverisjes korporative në Zyrën e Kontrollorit të Nju Jorkut

Tre të katërtat e aksioneve të klasës B janë në pronësi të Zuckerbergut, që do të thotë se ai urdhëron më shumë se gjysmën e fuqisë votuese të kompanisë.