Meksika jashtë Botërorit dhe pas dy fitoreve?!

Situata në Grupin F të këtij botërori është ndërlikuar shumë.

Meksika dhe pasi mori fitoren e dytë në dy ndeshje në Botëror, sërish nuk mund të festojë kalimin e grupit pasi matematika i mban ende në lojë dy skuadrat e tjera në grup.

Aktualisht Meksika është në kuotën e 6 pikëve, por këtë kuotë pikësh mund ta arrijnë edhe Gjermania dhe Suedia.

Në rast se Gjermania, aktualisht zotëruese e 3 pikëve, fiton ndaj Korenë e Jugut në ndeshjen e tretë në grup do të shkonte në kuotën e 6 pikëve.

Nga ana tjetër, edhe Suedia nëse do të triumfonte ndaj Meksikës në takimin e fundit, do të kishim 3 skuadra me nga 6 pikë në këtë grup dhe do të ishte golavarazhi ai që do të vendoste më pas kush do të ishin dy skuadrat e kualifikuara.