Deputetja e PD Hajdari, për Teatrin: Boksi politik nuk jep rezultat

Deputetja e Partisë Demokratike, Rudina Hajdari kritikon hapur reagimin e kolegut të saj, Flamur Noka i cili tentoi ta nxirrte me forcë nga Komisioni i Medias, z.Veliaj. Kjo do të thotë se mendimet e lira marrin pëlqime edhe nga kundërshtarët politik.

Statusi në Twitter i deputetes Rudina Hajdari, se përplasja e sotme në Komisonin e Medias për Teatrin Kombëtar, mes PD dhe Erion Veliajt u kthye në ndeshje boksi politik, dhe kundër kauzës për mbrojtjen e Teatrit, është pëlqyer edhe nga vetë kreu i Bashkisë së Tiranës, Erion Veliaj.

Mbledhja e sotme e Komisionit të Medias u shoqërua me tension, pasi deputetët e opozitës u ngritën kundër pranisë së Erion Veliajt atje. Në këtë mbledhje ishte parashikuar të zhvillohej një seancë dëgjimore për Teatrin Kombëtar, por situata degradoi nga përplasje verbale deri në përplasje fizike.

Fraksion.com