4 mësime për të arritur qëllimet tuaja
Sa më i madh të jetë qëllimi, aq më shumë hapa të vegjël janë të nevojshëm për ta arritur atë.
Të gjithë kemi qëllime. Pyetja numër një është se si t’i arrijmë këto qëllime për t’u bërë milioner dhe të pasuar në jetë. Nuk është aq komplekse sa mund të mendoni. Ndonjëherë është vetëm ndërmarrja e një hapi mbrapa për të parë pamjen e madhe.
Këto janë katër mësime të rëndësishme për të mësuar në lidhje me arritjen e qëllimeve tuaja:
– Përqendrohuni në atë që ju nevojitet në vend të asaj që dëshironi
Ju mund të mendoni se doni një shtëpi të madhe dhe tre makina, por a keni nevojë vërtet për to? Kjo është një mënyrë e thjeshtë për të vendosur përparësi, por shumë pak njerëz e përdorin këtë.
Një “dëshirë” e thjeshtë nuk është gjë tjetër veçse një fantazi. Ju duhet të jeni të pasionuar për të arritur atë që dëshironi të arrini.
– Mësoni nga çdo gjë, pozitive apo negative qoftë ajo
Jeta nuk është kurrë e mirë apo e keqe, prandaj duhet të mësojmë nga të dyja këto. Kur ju e gjeni veten në gjithçka që është pozitive në jetën tuaj, mendoni se si keni arritur të ketë sukses. Si mund ta përsërisni prapë atë sukses? Nga ana tjetër, ju duhet të jeni në gjendje të rriteni edhe nga gjërat negative. Mendoni përse keni dështuar dhe si mund ta shmangni këtë përsëri.
Vendosni pak kohë çdo javë për të reflektuar mbi sukseset dhe dështimet tuaja. Është e vetmja mënyrë që ju të rriteni në një pikë ku mund të arrini qëllimet tuaja.
– Qëndroni të fokusuar tek shpërblimi në fund
Është e lehtë të humbësh fokusin kur ndërmerrni shumë sipërmarrje në të njëjtën kohë. Për t’u siguruar që të qëndroni të fokusuar tek shpërblimi në fund gjithmonë kini një plan afatshkurtër, afatmesëm dhe afatgjatë.
Diskutoni gjithçka që po bëni. Pyesni veten: “A është kjo që po bëj tani, duke kontribuar në qëllimet e mia afatshkurtra, afatmesme dhe afatgjata?”
Nëse përgjigja është “jo” atëherë ju e dini që duhet të rishikoni atë që po bëni. Fokusi për shpërblimin final është ajo që do t’iu ndalojë të humbisni kohën tuaj në detyra që nuk kanë rëndësi.
– Mësimi kryesor është të mendoni para dhe pas
Mendoni se çfarë jeni duke bërë dhe nëse kjo që po bëni ju çon më afër qëllimeve tuaja. Mendoni për atë që keni bërë dhe përcaktoni nëse mund ta bëni më mirë.
Mund të jetë e vështirë që të ndaloni kur jeni në mes të diçkaje, por kjo është pjesa më e rëndësishme. Sapo të arrini ta bëni këtë, do të merrni më shumë rezultate për çdo veprim.
Fraksion.com
