Takim Trump-Abe në Uashington
Kryeministri japonez Shinzo Abe dhe Presidenti Donald Trump kanë theksuar shpresat për takimin mes udhëheqësve të Shteteve të Bashkuara dhe Koresë së Veriut, por duke shtuar se takimi i 12 qershorit në Singapor është vetëm hapi i parë i një procesi të gjatë për të hapur rajonin drejt paqes dhe stabilitetit.
Zoti Abe dhe zoti Trump morën pjesë në një konferencë të përbashkët për shtyp në kopshtin e Shtëpisë së Bardhë.
Zoti Abe po zhvillon një vizitë në Shtëpinë e Bardhë, për t’i bërë të ditur Presidentit Donald Trump interesin e Japonisë lidhur me takimin historik të nivelit të lartë me udhëheqësin e Koresë së Veriut Kim Jong Un.
Kryeministri Abe mbërriti dje në SHBA.
Para nisjes për në Uashington zoti Abe tha se qeveria e tij dëshiron të shohë përparim në kufizimin e programit bërthamor dhe të raketave balistike të Koresë së Veriut. Ai tha se dëshiron që zoti Trump të diskutojë me udhëheqësin e Phenianit për çështjen e shtetasve japonezë të rrëmbyer nga Koreja e Veriut gjatë viteve 1970 dhe 1980.
Përpara takimit Trump-Kim në Singapor, udhëheqësit e Kinës dhe Koresë së Jugut janë takuar dy herë me udhëheqësin e Koresë së Veriut.
Edhe pse kryeministri Abe ka sinjalizuar se është i hapur për bisedime me Phenianit, deri tani nuk ka patur një takim mes tyre.
Fraksion.com
