Serbia u kërkon Kishave Evropiane të pengojnë Kosovën në UNESCO

Ministri për Punë dhe Çështje Sociale i Serbisë, Zoran Gjorgjeviç, të dielën në Kuvendin e përgjithshëm të konferencës së kishave evropiane në Novi Sad, kërkoi mbështetje kur është në pyetje vendosmëria e Serbisë për të mos lejuar anëtarësimin e Kosovës në UNESCO.

Ai theksoi se “pjesa më e madhe e trashëgimisë kulturore të Kosovës përbëhen nga artet dhe arkitektura kishtare serbe”, përcjell Telegrafi.

“Shqiptarët e Kosovës dhe autoritetet në Prishtinë nuk kanë treguar vullnet të parandalojnë shkatërrimin e saj”, tha ndër tjerash Gjorgjeviç.

Ai ka theksuar se Serbia kërkon zgjedhje kompromisi në bisedimet me Kosovën, sipas së cilës asnjëra nga palët nuk do të jenë krejtësisht të kënaqura, por të dyja palët do të marrin diçka.

Ndërkaq, Serbia në vazhdimësi lobon kundër anëtarësimit të Kosovës në mekanizma të rëndësishëm ndërkombëtarë.

Në sajë të aktiviteteve diplomatike të Serbisë dhe ndihmës së vendeve të veçanta kryesisht Rusisë, Kosova nuk ka arritur të bëhet anëtare e OKB-së, Këshillit të Evropës e as UNESCO-s.

Fraksion.com