Këshilli NATO-Rusi u mblodh në Bruksel

Këshilli NATO-Rusi u takua të enjten  (31 maj 2018) në nivel ambasadorësh në Bruksel.

Këshilli NATO-Rusi pati një shkëmbim të hapur mbi disa tema, duke përfshirë situatën në dhe përreth Ukrainës, çështjet lidhur me aktivitetet ushtarake, transparencën dhe reduktimin e rrezikut, si dhe teknikat asimetrike si aspekte të doktrinës dhe strategjisë. NATO dhe Rusia njoftuan të dyja ushtrimet kryesore të ardhshme.

Qasja e NATO-s ndaj Rusisë është e qëndrueshme. Bashkëpunimi praktik u pezullua në vitin 2014 për shkak të veprimeve agresive të Rusisë në Ukrainë. Në të njëjtën kohë, kanalet për dialog politik janë të hapura dhe Këshilli NATO-Rusi është një forum i rëndësishëm. NATO dhe Rusia gjithashtu mbajnë linja të hapura të komunikimit ushtarak-ushtarak. Aleatët e NATO-s e përshëndetën takimin e prillit në Baku midis Komandantit Suprem të Forcave Aleate të Evropës, Gjeneralit Scaparrotti dhe Shefit të Shtabit të Përgjithshëm, Gjeneral Gerasimov. Dialogu midis NATO-s dhe Rusisë kontribuon në marrëdhënie më të parashikueshme dhe në rritjen e sigurisë reciproke.

Fraksion.com