Kanada: Shpërthejnë bombën artizanale në restorant

25 Maj, 2018 admin

Dy persona të paidentifikuar hynë në një restorant gjatë së enjtes në qytetin kanadez të Mississaugës, e aktivizuan një pajisje të improvizuar shpërthyese, duke plagosur 15 persona, për t’u arratisur më pas, raporton the Guardian

Shpërthimi ndodhi në restorantin “Bombay Bhel” rreth orës 22:30 të mbrëmjes me orën lokale.

15 të plagosurit u dërguan me urgjencë në spital, por vetëm 3 prej tyre kanë pësuar dëmtime kritike për jetën, siç njofton shpërbimi rajonal i ndihmës së shpejtë “Peel”.

Dy të dyshuarit u larguan në drejtim të paditur pasi aktivizuan bombën artizanale. Deri më tani askush nuk ka marrë përsipër përgjegjësinë e sulmit, ndërsa motivi i tij mbetet ende mister.

Policia publikoi në rrjetin social “Twitter” foton e dy personave me kapuçë të zinj, që hynin në godinë. Njëri duket të ketë qenë duke mbajtur diçka në duar.

Sipas policisë, njëri prej të dyshuarve besohet të jetë rreth të 20-ave, i shëndoshë dhe me një veshje të zezë që mbulon edhe fytyrën e tij. I dyti duket më i dobët dhe me xhinse ngjyrë blu të zbehtë, një bluze gri dhe me kapuç të zi mbi kokë, edhe ky me fytyrë të mbuluar.

Rrugët përreth restorantit u mbyllën, ndërsa prania policore në vendngjarje ishte tejet e madhe, shoqëruar me pjesëmarrjen e oficerëve të armatosur rëndë, si pjesë e kundërpërgjigjes së emergjencës.

Shpërthimi ndodhi menjëherë pas orës 10:30, njoftoi media. Mississauga, qyteti i gjashtë më i madh i Kanadasë, me një popullsi prej 700,000, gjendet rreth 32 kilometra në perëndim të Torontos.

Shpërthimi vjen një muaj pasi një shofer përplasi furgonin e tij të bardhë Ryder, të cilin e kishte marë me qira, me turmën në kohë dreke në Toronto, duke vrarë 10 vetë dhe duke plagosur 15 vetë të tjerë.

Fraksion.com

You May Also Like