Uber nuk do tu kërkojë viktima të sulmeve seksuale, të nënshkruajnë marrëveshje konfidencialiteti

Uber Technologies Inc (UBER.UL]) tha të martën se ngacmimet seksuale ose viktimat e sulmit do të kenë mundësinë të zgjidhin kërkesat me shërbimin e udhëtimit jashtë  dispozitave të konfidencialitetit që i pengon ata të flasin për incidentet.

Uber tha gjithashtu se nuk do të kërkojë më arbitrazh të detyrueshëm për pretendimet për ngacmim seksual ose sulme nga ana e shoferëve apo punonjësve të tij.

“Ne angazhohemi për të botuar një raport të transparencës të sigurisë që do të përfshijë të dhëna për sulmet seksuale dhe incidente të tjera që ndodhin në platformën Uber”, shkroi Uber në blogun e tij.

Sipas disa raporteve të mediave, Uber u akuzua se po përpiqej të detyronte gratë që thonë se ishin sulmuar seksualisht nga shoferët për të zgjidhur kërkesat e tyre prapa dyerve të mbyllura dhe jo në gjykata, një lëvizje që kritikët thonë se iu mbyllin gojën viktimave me qëllim që të mbrojnë kompaninë nga shqyrtimi publik.

Gjykatat në një proces gjyqësor në Kaliforni nxorën në pah se firma e udhëtimeve ka argumentuar se pasagjerët femra që flasin për dhunim në Uber duhet të zgjidhin në mënyrë individuale rastet e tyre përmes arbitrazhit, një proces privat që shpesh rezulton në marrëveshje konfidencialiteti, raportoi The Guardian .

Uber po përballet aktualisht me një padi në Shtetet e Bashkuara për një kontroll të dobët të shoferëve që ka çuar në një seri incidentesh të ngacmimeve seksuale, përfshirë përdhunimin.

Pas disa skandaleve të profilit të lartë, Shefi Ekzekutiv Dara Khosrowshahi, që kishte filluar punë në gushtin e vitit të kaluar, ka zbuluar disa masa sigurie për t’i rikthyer emrin dhe imazhin Uber.