Stoltenberg – Macron; Diskutim strategjik mbi sfidat aktuale
Sekretari i Përgjithshëm i NATO-s Jens Stoltenberg e falënderoi Presidentin Emmanuel Macron për angazhimin e tij të fuqishëm personal ndaj marrëdhënies transatlantike dhe kontributeve të rëndësishme të Francës për Aleancën. Sipas burimeve të NATO-s, në një takim në Pallatin Elysee të martën më 15 maj 2018, Stoltenberg theksoi kontributin e Francës në grupbetejën e NATO-s në Lituani dhe në Policinë Ajrore të Baltikut, si dhe rolin e vendit në luftën kundër terrorizmit, duke përfshirë në Irak dhe Sahel.
Stoltenberg dhe Presidenti Macron patën një diskutim strategjik mbi sfidat aktuale dhe përgatitjet për Samitin e Brukselit në korrik. Ata adresuan përshtatjen dhe modernizimin e vazhdueshëm të NATO-s, si dhe ndarjen e barrës brenda Aleancës. Sekretari i Përgjithshëm falënderoi Francën për udhëheqjen e saj mbi shpenzimet e mbrojtjes, duke përfshirë përvijimin e një plani të qartë për të shpenzuar 2 për qind të PBB-së në mbrojtje deri në vitin 2025.
Franca gjithashtu tregon se po luan rol të rëndësishëm në udhëheqjen e mbrojtjes kibernetike, duke organizuar Konferencën e Parë për Pengimin e Mbrojtjes Kibernetike në Paris, me pjesëmarrjen e ministrit të Forcave të Armatosura, Florence Parly dhe Këshillit të Atlantikut të Veriut. Mbrojtja kibernetike është një prioritet për Aleancën, e cila merret me sulme kibernetike të përditëshme, anëtarët e të cilës janë përballur me sulme kibernetike në shkallë të gjerë gjatë viteve të fundit.
Në fjalimin e tij kryesor në konferencë, Sekretari i Përgjithshëm theksoi sfidat e reja të sjella nga sulmet kibernetike, të tilla si nevoja për të pasur një spektër të plotë të përgjigjeve. “Për pothuajse 70 vjet, NATO ka qenë themeli i sigurisë transatlantike. Qoftë në tokë, në det, ose në ajër. E njëjta gjë është tani e vërtetë në hapësirën kibernetike “, tha ai. Stoltenberg theksoi angazhimin e fuqishëm të Francës për mbrojtjen kibernetike. “Franca po udhëheq rrugën, duke investuar 1.6 miliardë euro dhe duke punësuar mijëra ekspertë kibernetikë”, shtoi Sekretari i Përgjithshëm.
Fraksion.com
