Facebook pezullon 200 aplikacione për hetimin e keqpërdorimit të të dhënave

Facebook Inc deri tani ka pezulluar rreth 200 aplikacione në fazën e parë të shqyrtimit të  tij në aplikacione që kishin akses në sasi të mëdha të të dhënave të përdoruesve, në përgjigje të skandalit rreth konsulencës politike Cambridge Analytica.

Aplikacionet u pezulluan në pritje të një hetimi të plotë nëse ata keqpërdorën ndonjë të dhënë, tha Ime Archibong, zëvendëspresident i Facebook i partneriteteve të produkteve.

Facebook tha se ka parë në mijëra aplikacione , si pjesë e hetimtit  që Kryeshefi Ekzekutiv Mark Zuckerberg njoftoi më 21 mars.

Zuckerberg kishte thënë se rrjeti social do të hetojë të gjitha aplikacionet që kishin akses në sasi të mëdha informacioni para se kompania të kufizonte qasjen e të dhënave në 2014.

“Ka shumë punë për t’u bërë për të gjetur të gjitha aplikacionet që mund të kenë keqpërdorur të dhënat e njerëzve në Facebook – dhe do të duhet kohë”, tha Archibong.

“Ekipet e mëdha të ekspertëve të brendshëm dhe të jashtëm punojnë shumë për të hetuar këto aplikacione sa më shpejt që të jetë e mundur”.

Facebook u godit nga skandali i privatësisë në mes të marsit pasi mediat raportuan se Cambridge Analytica pati qasje në të dhënat për të ndërtuar profile mbi votuesit amerikanë dhe për të ndikuar në zgjedhjet presidenciale të vitit 2016.

Incidenti çoi në reagim dhe rezultoi në humbjen e miliardave  në vlerën e tregut. Zuckerberg kërkoi ndjesë për gabimet që kompania e tij bëri dhe dëshmoi përpara ligjvënësve të SHBA.

Kompania, megjithatë, rifitoi pjesën më të madhe të vlerës së saj të humbur të tregut pasi raportoi një rritje të fortë të fitimit dhe një rritje të përdoruesve kur njoftoi rezultatet e tremujorit më 25 prill.

Aksionet e kompanisë u rritën me 0.4 përqind në 87.65 dollarë të hënën.