Afganistan: Shpërthime të shumëfishta, armë zjarri, vrasje dhe plagosje në qytetin lindor të Afganistanit

Forcat afgane të sigurisë u sulmuan nga një grup i armatosur  brenda një ndërtesë qeveritare në qytetin lindor Jalalabad për orë të tëra pas një sulmi të koordinuar që vrau të paktën nëntë vetë dhe plagosi dhjetëra të tjerë, thanë zyrtarët lokalë.

Pas  shpërthimit të një makine bombë në hyrje të zyrës së financave  shtetërore, një grup prej rreth katër personash të armatosur me armë automatike dhe granata, nxituan në ndërtesë, thanë zyrtarët. Kishte shpërthime të shumta, ndërsa ata luftonin me  forcat e sigurisë nën një zjarr armësh  që zgjati pjesën më të madhe të ditës.

Sulmi u zhvillua në një zonë të qytetit me shumë ndërtesa të tjera zyrtare aty pranë, duke përfshirë një shkollë në të cilën rreth 1,000 vajza u bllokuan kur  filluan bombardimet dhe  askush nuk e mori përgjegjësinë e sulmit.

Sulmi ishte i fundit i një serie sulmesh të profilit të lartë që kanë vrarë dhe plagosur qindra civilë në Afganistan këtë vit dhe kanë vënë nën presion të madh qeverinë.

Shumica kanë qenë në kryeqytetin Kabul, por në janar njerëz të armatosur sulmuan një zyrë të grupit të ndihmës Save the Children në Jalalabad, duke vrarë të paktën pesë persona dhe duke plagosur 25.  Ky sulm, i pretenduar nga Shteti Islamik, ishte  i të njëjtit model si incidenti i së dielës.

Pas disa orësh luftimesh, të cilat dërguan shtëllunga tymi në qiell mbi zyrën e llogarive, Attahullah Khogyani, një zëdhënës i guvernatorit provincial, tha se përplasja e së dielës kishte përfunduar me vrasjen e të gjithë personave të armatosur që e shkatuan sulmin.

Zyrtarët e shëndetit publik thanë  gjithashtu se së paku nëntë vetë, përfshirë një fëmijë, ishin vrarë dhe 36 ishin të plagosur. Dëshmitarët thanë se shpërthimet kishin shkaktuar kërdi midis kalimtarëve.

Dhuna është përshkallëzuar anembanë Afganistanit që nga shpallja e ofensivës vjetore të pranverës talebane muajin e kaluar dhe ka shkaktuar frikë të sigurisë më të lartë rreth përgatitjeve për zgjedhjet në tetor.

Dhjetra njerëz janë vrarë në qendrat e regjistrimit të votuesve në javët e fundit, duke shkaktuar frikë se njerëzit mund të qëndrojnë larg zgjedhjeve, të konsideruar si një provë e madhe e kredibilitetit të qeverisë.

Në të njëjtën kohë, luftëtarët talebanë kanë rritur presionin ndaj forcave qeveritare në të gjithë vendin, nga provincat Baghlan në veri, ku ata kapën një qendër  javën e kaluar, në Farah në jugperëndim ose Ghazni, në jug të Kabulit.

Vitin e kaluar, Shtetet e Bashkuara kanë rritur përkrahjen e tyre ndaj forcave afgane që po luftojnë, duke njoftuar planet për mijëra këshilltarë shtesë dhe më shumë sulme ajrore në një përpjekje për t’i detyruar talebanët të hyjnë në negociatat e paqes./reuters/Fraksion.com