Iran: Pretendimet izraelite janë “të fabrikuara” dhe “të pabaza”
Teherani mohon pretendimet e Izraelit se ai nisi sulmet me raketa në lartësitë e pushtuara të Golanit.
Irani ka mohuar akuzat e Izraelit se ai nisi sulme me raketa ndaj forcave të tij në lartësitë e pushtuara të Golan, duke i quajtur pretendimet “të fabrikuara” dhe “të pabaza”. Të enjten, Izraeli nisi një valë sulmesh mbi “objektiva iraniane në Siri” në përgjigje të sulmeve të supozuara iraniane që sulmuan territorin sirian të pushtuar nga Izraeli në Golan Heights për herë të parë. Ishte shkëmbimi më i gjerë ushtarak të ndodhur ndonjëherë mes dy kundërshtarëve. “Sulmet e shpeshta të regjimit sionist në Siri me justifikime të fabrikuara dhe të pabaza janë një shkelje e sovranitetit kombëtar dhe integritetit territorial të Sirisë dhe në kundërshtim me të gjitha ligjet dhe rregulloret ndërkombëtare”, tha zëdhënësi i ministrisë së jashtme të Iranit, Bahram Qasem. Izraeli thotë se ai goditi dhjetëra objektiva ushtarake iraniane, si dhe pesë instalime anti-ajrore siriane në përgjigje të forcave iraniane që dyshohet se nisën 20 raketa në Golan Heights e pushtuar. Mediat siriane njoftojnë se mbrojtja ajrore siriane kishte kapur shumicën e raketave hyrëse mbi kryeqytetin Damask, por gjithashtu konfirmoi se u goditën një stacion radar dhe një vend për ruajtjen e armëve. Televizioni shtetëror iranian raportoi se Siria kishte dhënë një “përgjigje dërrmuese”. Qasem gjithashtu të premten dënoi heshtjen e bashkësisë ndërkombëtare lidhur me sulmet e Izraelit në Siri. “Irani dënon ashpër sulmet e Izraelit ndaj Sirisë, heshtja e bashkësisë ndërkombëtare inkurajon agresionin e Izraelit, Siria ka çdo të drejtë të mbrojë veten,” citoi Qasemin televizioni shtetëror iranian. Korenspondenti Basravi i Al Jazeera, raportoi nga Teherani, se “është e rëndësishme të theksohet ajo që nuk është përmendur në deklaratë”. “Nuk kishte asnjë reagim specifik ndaj pretendimeve specifike nga Izraeli se ai goditi një numër të madh objektivash iranianë brenda Sirisë dhe asnjë përgjigje specifike ndaj pohimeve izraelite se Irani ishte pas zjarrit ndërkufitar që ndodhi dhe se ishte Irani së pari, kështu që ende mbajnë kartat e tyre afër gjoksit këtu në Teheran.
Ndërsa tensionet mes Izraelit dhe Iranit vazhduan të rriteshin, Kombet e Bashkuara, Rusia, Franca, Gjermania dhe Britania u kërkuan të dy vendeve të shmangnin çdo përshkallëzim të mëtejshëm.
Sekretari i Përgjithshëm i SH.B.A.-së Antonio Guterres kërkoi një ndalesë të menjëhershme për “të gjitha aktet armiqësore” për të shmangur “një shpërthim të ri” në Lindjen e Mesme.
Izraeli i ka bërë thirrje Këshillit të Sigurimit të OKB-së dhe sekretarit të përgjithshëm që të dënojë sulmin e Iranit, por Këshilli i Sigurimit mbetet thellësisht i ndarë mbi Sirinë dhe nuk ka shumë gjasa të lëshojë një deklaratë. Që nga e premtja në mëngjes, asnjë anëtar i këshillit nuk ka kërkuar një takim.
Izraeli dhe Irani kanë luftuar për një kohë të gjatë me njëri-tjetrin përmes përfaqësuesve, dhe me shkëmbimin e ri, secili dukej se po dërgonte një paralajmërim se një përplasje e drejtpërdrejtë mes tyre mund të përshkallëzohej shpejt./Fraksion.com
