Liverpooli ëndërron trofeun e Ligës Premier; Ofertë 104 milionë euro për Dybalan

Liverpooli po zhvillon sezon të jashtëzakonshëm me sulmin e tyre Sadio Mane, Mohamed Salah dhe Roberto Firmino.

Këtyre treve Lvierpooli do të tentojë tua fus në mes edhe një futbollistë të jashtëzakonshëm si Paulo Dybala.

Liverpooli e ka ndërmend të krijojë skuadër për ta fituar Ligën Premier.

Sipas The Sun, Liverpooli është i gatshëm të paguajë 90 milionë funte, rreth 104 milionë euro për argjentinasin.

Blerja e mundshme e ‘La Joya’ mund të shihet edhe si zëvendësim i  Mohamed Salah, i cili mund të largohet drejt Real Madridit.

Dybala është një nga lojtarët më të paguar te Juventusi.

Ai ka eksperiencë vetëm në Itali me Juventusin dhe Palermon dhe shpesh flitet për një largim të tij nga Serie A.