Kosova, inaguron ambasadën në Emiratet e Bashkuara Arabe

Gjatë ditës së sotme do të inaugurohet ambasada e Republikës së Kosovës në Emiratet e Bashkuara Arabe.

Këtë e ka bërë të ditur dje Ministri i Punëve të Jashtme, Behgjet Pacolli.

“Pas lindjes së largët, sot arrita në Emiratet e Bashkuara Arabe, ku nesër do të të bëjmë inaugurimin e ambasadës së Republikës së Kosovës në këtë shtet të fuqishëm”, shkruan Pacolli.

Kryediplomati ka vlerësuar se prania e Kosovës nëpër botë po shtohet, ashtu siç po rriten edhe mundësitë e zhvillimit të vendit.