Roma-Bayern, finalja e Champions… nëse do kishte VAR!

Për të katërtën herë në pesë vitet e fundit, Reali i Madridit do të luajë në finalen e Champions League, ku mbrëmjen e kaluar mësoi se kundërshtari i tyre do të jetë Liverpool i Jurgen Klopp.

Por dy skuadrat finaliste të këtij edicioni do të shkojnë në finalen e Kievit mes shumë polemikave, për favorizim nga ana e arbitrave.

Në veçanti Reali, por edhe Liverpool nuk i shpëtoi aspak akuzave një natë më parë për penallti e karton të kuq të mos dhënë në favor të Romës.

“Ishte penallti. E preka topin me dorë, ishte 11-metërsh. Do të gënjeja po të thosha të kundërtën. Arbitri nuk e dalloi. Futbolli i tillë është. Nuk dëshiroj të flas për arbitrit, por ndonjëherë gabojnë në favor e herë të tjera kundër”, tha Marcelo pas ndeshjes së kthimit ndaj Bayernit për penalltinë e mohuar ndaj gjermanëve, e cila do të kishte kthyer totalisht rrjedhën e ndeshjes.

Por jo vetëm kaq, Bayern është penalizuar edhe në ndeshjen e parë në Gjermani dhe rastet ishin flagrante. Të gjithë ata, ndoshta edhe tifozët e Realit, ishin të bindur se gjermanëve u mohua një penallti në ndeshjen e parë, pasi e ripanë edhe njëherë përsëritje rastin. Nëse do të ishte VAR në këtë kompeticion, i cili është më i rëndësishmi në Europë, atëherë Real nuk do ta arrinte finalen e katërt në pesë vitet e fundit në Champions, por do të ishte Bayern në vendin e tyre.

Po ashtu, ndodhi edhe në gjysmëfinalen tjetër, ku Liverpool u kualifikua pas rezultatit të përgjithshëm 6-7.

“Në ‘Anfield’ pësuam një gol në pozicion jashtë loje, ndërsa sot mungojnë dy penallti për ne dhe një karton i kuq për kundërshtarin. Mendoj se Italia duhet të reagojë, pasi po i hanë hakun në Europë. është momenti për të diskutuar seriozisht futjen e VAR-it në Champions”, deklaroi Drejtori Sportiv i Romës, Mario Monchi menjëherë pas mbylljes së ndeshjes së dytë gjysmëfinale dhe jo patë drejtë.

Pasi ndeshja e parë u mbyll me rezultatin 5-2 për Liverpool, të gjithë menduan se çështja e kualifikimit kishte marrë fund, por italianët besuan deri në sekondën e fundit, por nuk gjetën një arbitrim të drejtë.

Nëse do të rishiheshin rastet, atëherë mund të themi pa hezitim se Romës iu mohuan dy penallti, të cilat mund të çonin italianët në finale, pasi në fund atyre iu desh vetëm një gol për ta çuar ndeshjen në shtesë.

Në minutën e 49, Dzeko u nis në pozicion të rregullt dhe pësoi një faull nga portieri Karius, por gjyqtari në vend që të vërshëllente penallti, akordoi pozicion jashtë loje.

Akoma më i rëndë ishte rasti i minutës së 63′, kur El Sharaawi gjuajti në zonë dhe topi që po shkonte drejt rrjetës, u ndal me dorë nga Arnold, teksa pamjet konfirmuan qartë se kishim të bënim jo vetëm me 11-metërsh për Romën, por edhe me karton të kuq për mbrojtësin anglez.

E nëse në Champions do të ishte përdorur VAR këtë sezon, me siguri finalja nuk do të Real-Liverpool./TCH