Kryeministri i përkohshëm armen, kundërshton bisedimet me kreun e opozitës

Kryeministri i përkohshëm i Armenisë, Karen Karapetyan, ka hedhur poshtë një propozim të udhëheqësit të opozitës Nikol Pashinyan për të zhvilluar bisedime të premten mes protestave anti-qeveritare, raportoi agjensia e lajmeve Interfax.

Pashinyan tha të premten se ai u takua me Presidentin Armen Sarkissian për të diskutuar për një rrugëdalje nga kriza politike në vend.

Për 11 ditë, opozita ushtroi presion kundër Serzh Sargsyan, politikanit më të fuqishëm të Armenisë.

Sargsyan, kryeministri i vendit dhe ish-president për një dekadë, dha papritmas dorëheqjen pas protestave të  opozitës që kishte mbushur sheshin kryesor të ish-republikës sovjetike. Dhjetëra mijëra protestues kërkonin largimin e tij.

Sargsyan u zgjodh për herë të parë si president i vendit të varfër aleat të Moskës në vitin 2008. Ai u rizgjodh në vitin 2013, dhe mandati i tij përfundoi më 9 prill.