Ballkani (edhe Shqipëria), udhëheq listën e destinacioneve të reja të Europës

“Pesëmbëdhjetë vjet më parë, unë bëra vendimin e guximshëm për të filluar një blog udhëtimi. Ndjeva se udhëtimi ishte në prag të një transformimi dhe donte një URL për të pasqyruar kohën e ndryshimit.”- nis të thotë autori i shkrimit, Robert Reid.

Në artikullin ku Ballkani po shndërrohet në një pikë kyç të turizmit në Europë, autori shkruan se Bullgaria është “pjesa më e nxehtë” e kësaj liste, ndjekur më pas nga Mali i Zi, Bosnja e Hercegovina, Shqipëria, Kosova, Maqedonia etj.
“Bullgaria, e cila u bashkua me BE në 2007, nuk do të renditet kurrë me Francën, Kinën ose SHBA-në në drejtim të destinacioneve më të mira të udhëtimit. Por është bërë një ankorë e asaj që mund të quhet pjesa më e nxehtë e “Europës së Re”, Ballkanit.

Gjatë periudhës 2005-2015, numri i turistëve në Europë u rrit nga 452 milionë në 605 milionë, një rritje prej 33.6% (sipas raporteve të OBT). Duke parë statistikat e vendeve individuale, është gjetur se pjesa më e madhe e këtij pike është përqendruar në Europën Ballkanike – Bullgaria, vendet e ish-Jugosllavisë, Sllovenia, Serbia, Kroacia, Hercegovina, Mali i Zi, Kosova, Maqedonia, si dhe Shqipëria”.

Rritja e turizmit ka krijuar rreth gjysmë milion vende pune, dhe deri në vitin 2027 numri – sipas parashikimeve ekonomike nga WTTC – do të rritet me 20%. Bullgaria do të shohë rritjen e vendeve më të mëdha të rajonit, me 51% më shumë (rreth tre herë më shumë se Britania apo Gjermania), thotë më tej shkrimi i publikuar në agjencinë Skift.

“Dhe vendet e tjera të Ballkanit po rriten edhe më shpejt. Kroacia u rrit me 63.8%, Sllovenia 74.8%, Maqedonia 147%, Bosnjë dhe Hercegovinë 212%, dhe Shqipëria, 502%”  shkruhet në artikulli./Monitor