Stoltenberg: NATO është e rëndësishme për Turqinë dhe Turqia është e rëndësishme për NATO-n

Sekretari i Përgjithshëm i NATO-s, Jens Stoltenberg, gjatë vizitës së tij më 16 prill në Ankara,  pas takimit me Ministrin e Punëve të Jashtme të Turqisë, Mevlüt Çavuşoğlu, dha një konferencë të përbashkët për shtyp

Stoltenberg vlerësoi kontributet e Turqisë në operacionet e NATO-s, duke përfshirë në Afganistan dhe Kosovë dhe në luftën kundër Daeshit. “NATO qëndron me ju në solidaritet,” theksoi ai, duke vënë në dukje mënyrat në të cilat Aleanca kontribuon në sigurinë e Turqisë.

 

Sekretari i Përgjithshëm tha se viziton Turqinë pë herë të shtatë, “Është me të vërtetë mirë të kthehem këtu në Ankara dhe të them se kjo është vizita ime e shtatë në Ankara dhe nuk ka  pothuajse asnjë vend tjetër që kam vizituar kaq shumë herë sa Turqinë. Faleminderit për mikpritjen dhe mirësinë tuaj të ngrohtë për mua dhe delegacionin tim. Ne  patëm një takim shumë të mirë dhe një drekë të shkëlqyer ku kemi drejtuar një gamë të gjerë çështjesh të ndryshme.”

Ai tha se “Vizitat e mia të shumta në Ankara pasqyrojnë rolin e thellë që luan vendi juaj në Aleancën e NATO-s. Turqia kontribuon në sigurinë tonë të përbashkët në shumë mënyra të ndryshme. Ju jeni një aleat që luan një rol kyç në Aleancë dhe ju falënderoj për kontributet tuaja të shumta.

Ju jepni kontribute thelbësore për operacionet e NATO-s dhe për luftën kundër Daeshit.  Avionët tanë të mbikqyrjes AWACS fluturojnë nga Konia në mbështetje të Koalicionit Global për të mposhtur Daesh”, tha Stoltenberg

“Turqia gjithashtu ndihmon për të ndërtuar stabilitet jashtë vendit: Duke luajtur një rol udhëheqës në Afganistan me qindra trupa në Misionin tonë Mbështetës të Përhershëm në Afganistan dhe Turqia gjithashtu ndihmon me financimin e ushtrisë kombëtare dhe të forcave të sigurisë afgane;  Turqia po kontribon në misionin e NATO-s në Kosovë;  Dhe ju përkrahni aktivisht aktivitetet tona të trajnimit në Irak.  Pra, Turqia me të vërtetë bën shumë për Aleancën tonë, pavarësisht përballjes me sfida serioze të sigurisë.”

 

Duke folur për sulmet terrorriste në Turqi, Sekretari i Përgjithshëm i NATO-s tha se “Asnjë aleat tjetër nuk ka vuajtur aq shumë sulme terroriste si Turqia dhe ju jeni aleati më i ekspozuar ndaj jostabilitetit në këtë rajon.”  Ai ai tha se gjithashtu  se “Turqia bujare pret më shumë se 3 milion e gjysmë refugjatë. Por ju nuk qëndroni të vetëm. NATO qëndron me ju në solidaritet. Garancia jonë e sigurisë në Nenin 5 është thelbi i Aleancës – një për të gjithë, dhe të gjitha për një.”

Aleanca e NATO-s mbështet Turqinë “me masa sigurie, duke përfshirë avionët e mbikëqyrjes AWACS, patrullat detare dhe ushtrimet. Ne kemi vendosur sistemet e mbrojtjes nga ajri dhe raketat që nga viti 2013, duke ndihmuar në mbrojtjen e kufirit të Turqisë kundër kërcënimeve nga Siria. Kjo vendosje është zgjeruar edhe këtë vit, me kërkesë të Turqisë.”, tha Sekretari i Përgjithshëm i NATO-s.

“Ju jeni gjithashtu pjesë e sistemit të mbrojtjes raketore të NATO-s, me një radar thelbësor të bazuar këtu në Turqi. Komanda jonë e Tokës në Izmir është gjithashtu pjesë e pranisë së NATO-s në Turqi. Dhe për shumë vite, NATO ka siguruar miliarda në financim për infrastrukturën ushtarake në Turqi.

Pra, NATO është e rëndësishme për Turqinë dhe Turqia është e rëndësishme për NATO dhe kjo është forca e Aleancës: 29 aleatë që qëndrojnë së bashku, duke mbrojtur njëra-tjetrën.”

Duke folur për përgatitjet e samitit të NATO_s në korrik, Jens Stoltenberg tha se “Sot kemi pasur një diskutim të mirë në përgatitjet tona për Samitin e Brukselit të liderëve të NATO-s në korrik. Për shtatë dekada NATO ka qenë në gjendje të mbrojë qytetarët tanë, bazuar në vlerat tona: demokracia, sundimi i ligjit dhe liria individuale.

Që nga viti 2014, NATO ka zbatuar përforcimin më të madh të mbrojtjes tonë kolektive që nga fundi i Luftës së Ftohtë.  Me më shumë forca në gatishmëri më të lartë. Mbrojtje më të forta kibernetike dhe raketore. Dhe shpenzimet në rritje të mbrojtjes. Ne gjithashtu i dyfishuam përpjekjet tona për të luftuar terrorizmin. Përfshirë duke forcuar misionin tonë në Afganistan, me mbështetje të fuqishme nga Turqia. Dhe ne po rrisim mbështetjen tonë edhe për partnerët e tjerë.

Në samitin në korrik kemi në plan të nisim një mision trajnimi të NATO-s në Irak. Ndihma e forcave lokale për të stabilizuar vendin e tyre dhe për të parandaluar kërcënimet terroriste ndërkombëtare si Daesh që të kthehen.

Unë mbështetem në mbështetjen e Turqisë për të nisur misionin dhe për kontributin e ardhshëm të Turqisë në mision”, tha Stoltenberg

Sekretari i Përgjithshëm i NATO-s tha se ” Ne gjithashtu diskutuam situatën në Siri. Ministri Çavuşoğlu më informoi për Operacionin Dega e Ullirit. Dhe unë jam mirënjohës për transparencën e vazhdueshme të Turqisë për këtë”.

Sulmit  me armë kimike në Douma ishte një temë tjetër diskutimi.”Këshilli i Atlantikut të Veriut u takua në fundjavë për t’u përditësuar për aksionin e përbashkët ushtarak të Aleancës së NATO-s Francë, MB dhe SHBA. Të degradojë aftësitë e armëve kimike të regjimit sirian dhe të pengojë sulme të tilla të mëtejshme.

NATO dënon ashpër përdorimin e vazhdueshëm të armëve kimike nga regjimi sirian, si një kërcënim për paqen dhe sigurinë ndërkombëtare. Ata që janë përgjegjës duhet të mbahen përgjegjës. Dhe ne duhet të bëjmë gjithçka që mundemi për të mbrojtur ndalimin ndërkombëtar për përdorimin e armëve kimike.

Nuk ka zgjidhje ushtarake për këtë konflikt”, tha Sekretari i Përgjithshëm

“Prandaj, NATO mbështet plotësisht përpjekjet e udhëhequra nga Kombet e Bashkuara për të arritur një zgjidhje të qëndrueshme politike për konfliktin në Siri?, përfundoi Sekretari i Përgjithshëm i NATO-s, Jens Stoltenberg.