Macron: Nuk kam thënë kurrë se SHBA dhe Franca do të qëndrojnë në Siri për një afat të gjatë
Presidenti francez mohon se ai e ka bindur Trump për të ruajtur praninë ushtarake nëSiri.
Emmanuel Macron ka sqaruar sugjerimin se ai ishte përgjegjës për zhvendosjen e pozitës amerikane në Siri, pasi Shtëpia e Bardhë kundërshtoi një koment të mëparshëm nga presidenti francez se ai kishte “bindur” Donald Trump të mbante një prani ushtarake atje.
Pasi Macron tha në një intervistë televizive të drejtpërdrejtë të dielën se ai kishte ndryshuar mendjen e Trump për tërheqjen e shpejtë të trupave amerikane, Shtëpia e Bardhë lëshoi një deklaratë duke thënë se pikëpamja amerikane nuk kishte ndryshuar dhe Trump ende donte që forcat amerikane të largoheshin “sa më shpejt që të ishte e mundur”.
Macron tha të hënën se ai nuk kishte thënë kurrë se, ose SHBA-ja apo Franca do të qëndronin të angazhuar ushtarakisht për një kohe të gjatë. Ai tha se pozicionet franceze dhe amerikane ishin në vijë, por gjithashtu kishin të njëjtin objektiv afatgjatë për ndërtimin e një Siri të qëndrueshme dhe paqësore.
“Ne kemi një objektiv ushtarak dhe vetëm një: lufta kundër Isis,” tha ai në një konferencë shtypi. “Shtëpia e Bardhë ka të drejtë të kujtojë se angazhimi ushtarak është kundër Isis dhe do të përfundojë ditën kur lufta kundër Isis ka përfunduar. Unë nuk sugjerova asnjë ndryshim natën e kaluar. ”
Megjithatë, Macron tha se duke bashkuar forcat me Francën dhe Britaninë e Madhe për sulmet e së shtunës, SHBA “kuptoi plotësisht se përgjegjësia jonë shkon përtej luftës kundër Isis dhe se ka gjithashtu një përgjegjësi humanitare dhe përgjegjësi për të ndërtuar paqen në afat të gjatë” .
Franca dhe vendet e tjera evropiane ishin alarmuar nga komentet e Trump për përfundimin e pranisë së Amerikës në Siri, të cilat kundërshtonin mesazhet e liderëve ushtarakë amerikanë. Pavarësisht nga një numër fitoresh ushtarake që e kanë kthyer grupin, militantët e Isis kanë ende nën kontroll disa zona të Sirisë.
Sulmet e kësaj fundjave në Siri, në të cilat SHBA, Franca dhe Britania në hakmarrje për sulmin e armëve kimike në Douma më 7 prill, shënuan një fazë të re në presidencën e Macron.
Ishte hera e parë që presidenti modern më i ri francez, i cili ka qenë në pushtet për një vit, ka përdorur rolin e tij kushtetues si komandant në krye për të urdhëruar një sulm ushtarak.
Në konferencën për shtyp të së hënës, Macron tha se Franca kishte vepruar me “legjitimitet ndërkombëtar”, duke shtuar se pavarësisht se nuk ishte sanksionuar nga OKB operacioni ishte i ligjshëm, sepse Siria duhet të kishte shkatërruar arsenalin e armëve kimike nën rezolutën e OKB-së të 2013.
Në intervistën e tij të së dielës, Macron tha se mandati i tij për të urdhëruar një sulm ushtarak” ijepet demokratikisht presidentit nga populli në zgjedhjet presidenciale”.
Macron riafirmoi se kishte prova të sulmeve kimike, duke shtuar: “Kemi arritur një pikë ku këto sulme ishin të nevojshme për t’i dhënë përsëri bashkësisë (ndërkombëtare) disa besueshmërie”.
Ai tha se dështimi për të zbatuar linjat e kuqe kishte bërë që autoritetet ruse të mendonin “këta njerëz nga bashkësia ndërkombëtare, janë të mirë, ata janë të dobët”. “Ai (Presidenti rus Vladimir Putin) e kuptoi se nuk është më ky rast.”
