Haradinaj: Mos e harroni faktin, që po u ngrit aktakuza edhe kaq fakti flet

Kryeministri i Kosovës, Ramush Haradinaj pas mbledhjes së Qeverisë ka folur për ngritjen e aktakuzave.

“Mendoj në pjesën e parë ajo që është një tregues interesant, është se kurrkush nuk po mundet me i ikë ligjit, veç shpallja e aktakuzave po e tregon një nivel tjetër”.

“Mos e harroni faktin që po ngriten aktakuza edhe ai fakt flet që askush nuk qenka i përjashtum nga shqyrtimi ligjor, por edhe veprimi ynë bëhet në këtë aspekt”.

Kryeministri foli gjithashtu edhe për raportin e prezantuar nga Ministria e Financave, e që ishte i mbyllur për media, raporton Ekonomia Online.

“Është folur për krejt parametrat ekonomikë dhe për mundësitë që kemi për të hyrat, shpenzimet dhe investimet kapitale. Kjo është diçka e mirë sepse është mbajtje në vëmendje të krejt rrethanave. Kishte më shumë punë për ne që të dimë hapësirat që të veprojmë”, tha Haradinaj.

Ministri i Drejtësisë, Abelard Tahiri bëri të ditur se ka gjasa që Kodi i ri Penal të hyjë në fuqi nga 1 janari i vitit 2019.