Basha: Oligarkët përfitojnë me falimentimin e biznesit të vogël

Kreu i PD-së, Lulzim Basha, i shoqëruar nga kryebashkiaku Isa Sakja zhvilluan një takim me tregtarët në qytetin e Kavajës.

Ai u shpreh se opozita do jetë gjithmonë në krah të biznesit të vogël, deri në anulimin e TVSH-së, që sipas tij po çon në falimentimin e plotë.

“Shumica nuk e dinë fare se çfarë është futja në TVSH, nuk e dinë se çfarë shkatërrimi sjell. Qeveria thotë se nuk ka problem, por nëse nuk ka problem, pse e fut? Taksën e ka vënë kundër këshillës së FMN, kundër këshillës të ekspertëve të ekonomisë dhe kundër dëshirës së biznesit të vogël”, u shpreh Basha.

Sipas tij të vetmit që përfitojnë nga kjo janë një grusht oligarkësh të afërt me qeverinë.

“Të vetmit që janë pro vendosjes së TVSH-së janë qeveria dhe oligarkët. Oligarkët sepse me falimentimin e biznesit të vogël përfitojnë ata, sepse do ta japë me koncesion”, tha Basha

Basha përsëriti akuzën se ulja e pragut është bërë nga qeveria për të përfituar një grusht oligarkësh.

“Të vetmit që janë pro uljes së TVSH-së janë Qeveria dhe oligarkët. Oligarkët sepse me falimentimin e biznesit të vogël përfitojnë ata, Qeveria sepse do ta japë me koncesion”, u shpreh kreu i PD.