Haradinaj: Thaçi ta udhëheq dialogun me Serbinë, ka më pak punë se unë
Këtë Haradinaj ai ka thënë edhe Frederica Mogherinit përfaqësuese së lartë të BE-së, raporton Ekonomia Online.
“Unë kam qenë kundër që Kosova me u kyç në dialogun ekzistues sepse kam besuar që s’po jep efekt. Në Bruksel më kanë pyetur se çka kërkon, u thash kërkoj njohje reciproke. Më kanë thënë se e arrini nëse i kryeni marrëveshjet. Faza finale është vullnet politik i vendimmarrësve të mëdhenj, s’mundet me ndodh faza finale pa pasur pak kohë”.
Kreu i ekzekutivit shtoi se dialogu duhet të udhëhiqet nga presidenti Hashim Thaçi ngase ka më pak punë se ai.
“Presidenti mirë që po e udhëheq dialogun se nuk ka çka me bë, kur shkon në zyre nuk di çka me bë se kjo është natyra e punës”.
“Por kryetari i Qeverisë duhet me kshyr çka mos me bë. Ai i ka krejt mundësit me udhëheq këtë proces”.
Për të arritur marrëveshjen përfundimtare me Serbinë ai kërkoi edhe mbështetjen e presidentit Donald Trump, kancelaria gjermane Angela Merkel, kryeministres së Britanisë Tersa May dhe presidentit francez Emanuel Macron.
Këto komente ai i bëri diskutimin “Fol Hapur”, të organizuar nga Lëvizja FOL.
Sipas tij, Kosova ka përmbushur të gjitha obligimet që dalin nga marrëveshjet e arritura me Serbinë.
“Kosova nuk ka arsye mos me hy në fazën finale, si qeveri jemi të interesuar të ndodh kjo. Pesëshja e BE-së s’ka lëvizë, Serbia s’ka lëvizë, kjo mund të jetë një status-quo e rrezikshme. Pjesën politike të përfaqësuesve të dy palëve e bën presidenti, kjo ka logjike, nëse ka dyshime e zgjedhin në takime të brendshme. Kosova s’ka çka jep me, ka jep jetëra njerëzish, jemi ne proces dhe duhet të ecim”.
Ai shtoi se Kosova ka mbetur mbrapa sa i përket integrimit evropian, përderisa shtete e tjera kanë ecur përpara.
Kjo sipas tij, për shkak të jostabilitit në vend, raporton Ekonomia Online
Kreu i ekzekutivit tha se Qeverie është e sfiduar, por që po përballet me realitetin.
