Reagon edhe Vuçiq: Ne duam paqe, Thaçi le të merret me armë

Presidenti i Serbisë, Aleksandar Vuçiq ka reaguar pas deklaratave të presidentit Thaçi i cili tha se “kërcënimeve të Serbisë i përgjigjemi si para 19 viteve”

Vuçiq ka thënë se shteti serb është i interesuar vetëm për paqe, kurse Thaçi le t’i përmend armët.

“Nuk më pëlqen të merrem me armë, nëse Thaçi dëshiron le ta bëjë. Por pushkët nuk e shkatërruan Serbinë. E jona është të kemi politikë të paqes”, tha presidenti serb, transmeton lajmi.net

Ai ka kërkuar reagim edhe nga komuniteti ndërkombëtar.

“Disa nga komuniteti ndërkombëtar duhet të pyeten se çfarë mendojnë, pse u sulmua Serbia në vitin 1999”, tha Vuçiq.

“Sa për mua, unë nuk merrem me armë, e nëse i pëlqen Thaçit ai le të vazhdojë, por avionët ishin ata që e shkatërruan Serbinë”, tha tutje presidenti i Serbisë.

Deklarata e presidentit të Kosovës sot nxiti reagime edhe nga zyrtarët tjerë serbë.

Gjuriq tha se deklaratat e tilla ndjellin urrejte dhe luftë. /Lajmi.net/